Jæja, þá er komið að því.

 Þá er maður kominn á Reykjalund í endurhæfingu, kom í gærmorgun. Það var tekið mjög vel á móti manni, og okkur kynnt dagskrá sem á að vinna eftir hér. Í morgun var farið í þrekmælingu, sem var erfið, og karlinn kom ekki mjög vel út úr. Svo var farið á fyrirlestur hjá sjúkraþjálfara, og var hann virkilega góður. Svo var pása, sem ég notaði til þess að fara í sund, sund sem var langþráð. Það var ofsa gott að slappa af í sundinu og svo pottinum. Þetta leggst svo vel í mann að koma hér og takast á við að verða nýr og betri maður eftir þessi veikindi. Stundaskráin er ekki mjög flókin, en samt svolítið erfið, og krefjandi, sem er bara gott.