Dagur 3 Reykjalundur

  Loksins  er maður farinn að púla hér, eftir að manni hefur verið kynnt staðurinn síðustu 2 dagana, og það er frábært að vera hér. Það er búið að gera allskonar mælingar á manni, tekið blóðsýni, fitumæling, þrekmæling, og allskonar viðtöl. Sundlaugin er frábær, enda ekki nema von, ég mokaði grunninum undir hana á sínum tíma, bara smá djók. Á morgun er  fínt prógramm, leikfimi fyrst um morguninn, svo fyrirlestur, svo slökun, og svo tækjasalur, og endað daginn á sundi, frábært. Við á hjartadeildinni fengum fyrirlestur í dag hjá Magnúsi hjartalækni, og hann var frábær. Jæja ég var settur á göngubretti í dag, og gekk um 2 kílómetra, og stóð mig bara vel. mæddist sama og ekkert. Látum svo þetta nægja í dag, bið að heilsa.